Ye flowery banks o' bonie Doon, <br /> How can ye blume sae fair? <br />How can ye chant, ye little birds, <br /> And I sae fu' o' care? <br /> <br />Thou'll break my heart, thou bonie bird, <br /> That sings upon the bough; <br />Thou minds me o' the happy days, <br /> When my fause luve was true. <br />Thou'll break my heart, thou bonie bird, <br /> That sings beside thy mate; <br />For sae I sat, and sae I sang, <br /> And wist na o' my fate. <br /> <br />Aft hae I roved by bonie Doon <br /> To see the woodbine twine, <br />And ilka bird sang o' its luve, <br /> And sae did I o' mine. <br /> <br />Wi' lightsome heart I pu'd a rose <br /> Frae aff its thorny tree; <br />And my fause luver staw my rose <br /> But left the thorn wi' me.<br /><br />Robert Burns<br /><br />http://www.poemhunter.com/poem/bonie-doon/
