O SAW ye bonnie Lesley <br /> As she gaed o'er the Border? <br /> She 's gane, like Alexander, <br /> To spread her conquests farther. <br /> <br /> To see her is to love her, <br /> And love but her for ever; <br /> For Nature made her what she is, <br /> And ne'er made sic anither! <br /> <br /> Thou art a queen, fair Lesley, <br /> Thy subjects we, before thee: <br /> Thou art divine, fair Lesley, <br /> The hearts o' men adore thee. <br /> <br /> The Deil he couldna scaith thee, <br /> Or aught that wad belang thee; <br /> He'd look into thy bonnie face <br /> And say, 'I canna wrang thee!' <br /> <br /> The Powers aboon will tent thee, <br /> Misfortune sha'na steer thee: <br /> Thou'rt like themsel' sae lovely, <br /> That ill they'll ne'er let near thee. <br /> <br /> Return again, fair Lesley, <br /> Return to Caledonie! <br /> That we may brag we hae a lass <br /> There 's nane again sae bonnie!<br /><br />Robert Burns<br /><br />http://www.poemhunter.com/poem/bonnie-lesley/
