Charissimo Filio &c. <br />Pater & Mater &c. <br />funebrem tabulam curavimus. <br />Age Marmor, & pro solita tua hxmanitate, <br />(Ne inter Parentum Dolorem & Modestiam <br />Supprimantur praeclari Juvenis meritae laudes) <br />Effare Johannis Trottii breve Elogium. <br />Erat ille totus Candidus, Politus, Solidus, <br />Ultra vel Parii Marmoris metaphoram, <br />Et Gemma Sculpi dignus, non Lapide: <br />E Schola Wintoniensi ad Academiam Oxonii, <br />Inde ad Interioris Templi Hospitium gradum fecerat: <br />Summae Spei, Summae Indolis, ubique vestigia reliquit; <br />Supra Sexum Venustus, <br />Supra Aetatem Doctus, <br />Ingeniosus supra Fidem. <br />Et jam vicesimum tertium annum inierat, <br />Pulcherrimo undequaque vitae prospectu, <br />Quem Mors immatura obstruxit. <br />Ferales Pustulae Corpus tam affabre factum <br />Ludibrio habuere, & vivo incrustarunt sepulchro. <br />Anima evasit Libera, Aeterna, Faelix, <br />Et morti insultans <br />Mortalem Sortem cum Foenore accipiet. <br />Nos interim, meri vespillones, <br />Parentes Filia extra ordinem Parentantes, <br />Subtus in gentilitio crypta reliquias composuimus, <br />Ipsi eandem ad Dei nutum subituri. <br />Natus est &c. Mortuus &c. reviviscet <br />Primo Resurrectionis.<br /><br />Andrew Marvell<br /><br />http://www.poemhunter.com/poem/johannis-trottii-epitaphium/
