Farfacio. <br /> <br />Cernis ut ingenti distinguant limite campum <br />Montis Amos clivi Bilboreique juga! <br />Ille stat indomitus turritis undisque saxis: <br />Cingit huic laetum Fraximus alta Caput. <br />Illi petra minax rigidis cervicibus horret: <br />Huic quatiunt viridis lenia colla jubas. <br />Fulcit Atlanteo Rupes ea vertice coelos: <br />Collis at hic humeros subjicit Herculeos. <br />Hic ceu carceribus visum sylvaque coercet: <br />Ille Oculos alter dum quasi meta trahit. <br />Ille Giganteum surgit ceu Pelion Ossa: <br />Hic agit ut Pindi culmine Nympha choros. <br />Erectus, praeceps, salebrosus, & arduus ille: <br />Aeclivis, placidus, mollis, amoenus hic est. <br />Dissimilis Domino coiit Natura sub uno; <br />Farfaciaque tremunt sub ditione pares. <br />Dumque triumphanti terras perlabitur Axe, <br />Praeteriens aequa stringit utrumque Rota. <br />Asper in adversos, facilis cedentibus idem; <br />Ut credas Montes extimulasse suos. <br />Hi sunt Alcidae Borealis nempe Columnae, <br />Quos medio scindit vallis opaca freto. <br />An potius longe sic prona cacumina nutant, <br />Parnassus cupiant esse Maria tuus.<br /><br />Andrew Marvell<br /><br />http://www.poemhunter.com/poem/epigramma-in-duos-montes-amosclivum-et-bilboreum/
