Ingeniosa Viris contingunt Nomina magnis, <br />Ut dubites Casu vel Ratione data. <br />Nam Sors, caeca licet, tamen est praesaga futuri; <br />Et sub fatidico Nomine vera premit. <br />Et Tu, cui soli voluit Respublica credi, <br />Foedera seu Belgis seu nova Bella feras; <br />Haud frustra cecidit tibi Compellatio fallax, <br />Ast scriptum ancipiti Nomine Munus erat; <br />Scilicet hoc Martis, sed Pacis Nuntius illo: <br />Clavibus his Jani ferrea Claustra regis. <br />Non opus Arcanos Chartis committere Sensus, <br />Et varia licitos condere Fraude Dolos. <br />Tu quoque si taceas tamen est Legatio Nomen. <br />Et velut in Scytale publica verba refert. <br />Vultis Oliverum, Batavi, Sanctumve Johannem? <br />Antiochus gyro non breviore stetit.<br /><br />Andrew Marvell<br /><br />http://www.poemhunter.com/poem/in-legationem-domini-oliveri-st-john-ad-provinci-2/
