Nempe sic innumero succrescunt agmine libri, <br />Saepia vix toto ut jam natet una mari. <br />Fortius assidui surgunt a vulnere praeli: <br />Quoque magis pressa est, auctior Hydra redit. <br />Heu quibus Anticyris, quibus est sanabilis herbis <br />Improba scribendi pestis, avarus amor! <br />India sola tenet tanti medicamina morbi, <br />Dicitur & nostris ingemuisse malis. <br />Utile Tabacci dedit illa miserta venenum, <br />Acci veratro quod meliora potest. <br />Jamque vides olidas libris fumare popinas: <br />Naribus O doctis quam pretiosus odor! <br />Hac ego praecipua credo herbam dote placere, <br />Hinc tuus has nebulas Doctor in astra vehit. <br />Ah mea quid tandem facies timidissima charta? <br />Exequias Siticen jam parat usque tuas. <br />Hunc subeas librum Sansti ceu limen asyli, <br />Quem neque delebit flamma, nec ira fovis.<br /><br />Andrew Marvell<br /><br />http://www.poemhunter.com/poem/dignissimo-suo-amico-doctori-wittie-de-translati-2/
