Charissimo Filio <br />Edmundo Trotio <br />Posuimus Pater & Mater <br />Frustra superstites. <br />Legite Parentes, vanissimus hominum ordo, <br />Figuli Filiorum, Substructores Hominum, <br />Fartores Opum, Longi Speratores, <br />Et nostro, si fas, sapite infortunio. <br />Fruit Edmundus Trottuis. <br />E quatuor masculae stirpis residuus, <br />Statura justa, Forma virili, specie eximic, <br />Medio juventutis Robore simul & Flore, <br />Alpectu, In cessu, sermone juxta amabilis, <br />Et siquid ultra Cineri pretium addit. <br />Honesta Diciplina domi imbutus, <br />Peregre profectus <br />Generosis Artibus Animum <br />Et exercitiis Corpus firmaverat. <br />Circaeam Insulam, Scopulos Sirenum <br />Praeternavigavit, <br />Et in hoc naufragio morum & saeculi <br />Solus perdiderat nihil, auxit plurimum. <br />Hinc erga Deum pietate, <br />Erga nos Amore & Obsequio, <br />Comitate erga Omnes, & intra se Modestia <br />Insignis, & quantaevis fortunae capax: <br />Delitiae Aequalium, Senum Plausus, <br />Oculi Parentum, (nunc, ah, Lachrymae) <br />In eo tandem peccavit quod mortalis. <br />Et fatali Pustularum morbo aspersus, <br />Factus est <br />(Ut verae Laudis Invidiam ficto Convitio levemus) <br />Proditor Amicorum, Parricida Parentum, <br />Familiae Spongia: <br />Et Naturae invertens ordinem <br />Nostri suique Contemptor, <br />Mundi Desertor, defecit ad Deum. <br />Undecimo Augusti; Aerae Christae 1667. <br />Talis quum fuerit Calo non invidemus.<br /><br />Andrew Marvell<br /><br />http://www.poemhunter.com/poem/edmundi-trotii-epitaphium/
