Tune - "Laggan Burn." <br /> <br />Here's to thy health, my bonie lass, <br />Gude nicht and joy be wi' thee; <br />I'll come nae mair to thy bower-door, <br />To tell thee that I lo'e thee. <br />O dinna think, my pretty pink, <br />But I can live without thee: <br />I vow and swear I dinna care, <br />How lang ye look about ye. <br /> <br />Thou'rt aye sae free informing me, <br />Thou hast nae mind to marry; <br />I'll be as free informing thee, <br />Nae time hae I to tarry: <br />I ken thy frien's try ilka means <br />Frae wedlock to delay thee; <br />Depending on some higher chance, <br />But fortune may betray thee. <br /> <br />I ken they scorn my low estate, <br />But that does never grieve me; <br />For I'm as free as any he; <br />Sma' siller will relieve me. <br />I'll count my health my greatest wealth, <br />Sae lang as I'll enjoy it; <br />I'll fear nae scant, I'll bode nae want, <br />As lang's I get employment. <br /> <br />But far off fowls hae feathers fair, <br />And, aye until ye try them, <br />Tho' they seem fair, still have a care; <br />They may prove waur than I am. <br />But at twal' at night, when the moon shines bright, <br />My dear, I'll come and see thee; <br />For the man that loves his mistress weel, <br />Nae travel makes him weary.<br /><br />Robert Burns<br /><br />http://www.poemhunter.com/poem/here-s-to-thy-health/
