Tune - "Invercauld's Reel, or Strathspey." <br /> <br />Choir. - O Tibbie, I hae seen the day, <br />Ye wadna been sae shy; <br />For laik o' gear ye lightly me, <br />But, trowth, I care na by. <br /> <br />Yestreen I met you on the moor, <br />Ye spak na, but gaed by like stour; <br />Ye geck at me because I'm poor, <br />But fient a hair care I. <br />O Tibbie, I hae seen the day, &c. <br /> <br />When coming hame on Sunday last, <br />Upon the road as I cam past, <br />Ye snufft and ga'e your head a cast- <br />But trowth I care't na by. <br />O Tibbie, I hae seen the day, &c. <br /> <br />I doubt na, lass, but ye may think, <br />Because ye hae the name o' clink, <br />That ye can please me at a wink, <br />Whene'er ye like to try. <br />O Tibbie, I hae seen the day, &c. <br /> <br />But sorrow tak' him that's sae mean, <br />Altho' his pouch o' coin were clean, <br />Wha follows ony saucy quean, <br />That looks sae proud and high. <br />O Tibbie, I hae seen the day, &c. <br /> <br />Altho' a lad were e'er sae smart, <br />If that he want the yellow dirt, <br />Ye'll cast your head anither airt, <br />And answer him fu' dry. <br />O Tibbie, I hae seen the day, &c. <br /> <br />But, if he hae the name o' gear, <br />Ye'll fasten to him like a brier, <br />Tho' hardly he, for sense or lear, <br />Be better than the kye. <br />O Tibbie, I hae seen the day, &c. <br /> <br />But, Tibbie, lass, tak' my advice: <br />Your daddie's gear maks you sae nice; <br />The deil a ane wad speir your price, <br />Were ye as poor as I. <br />O Tibbie, I hae seen the day, &c. <br /> <br />There lives a lass beside yon park, <br />I'd rather hae her in her sark, <br />Than you wi' a' your thousand mark; <br />That gars you look sae high. <br />O Tibbie, I hae seen the day, &c.<br /><br />Robert Burns<br /><br />http://www.poemhunter.com/poem/o-tibbie-i-hae-seen-the-day/
