It was upon a Lammas night, <br /> When corn rigs are bonnie, <br />Beneath the moon's unclouded light, <br /> I held away to Annie: <br />The time flew by wi' tentless heed <br /> Till 'tween the late and early, <br />Wi' sma' persuasion, she agreed <br /> To see me thro' the barley. <br /> Corn rigs, an' barley rigs, <br /> An' corn rigs are bonnie: <br /> I'll ne'er forget that happy night, <br /> Amang the rigs wi' Annie. <br /> <br />The sky was blue, the wind was still, <br /> The moon was shining clearly: <br />I set her down, wi' right good will, <br /> Amang the rigs o' barley: <br />I ken't her heart was a' my ain: <br /> I lov'd her most sincerely; <br />I kiss'd her owre and owre again, <br /> Amang the rigs o' barley. <br /> Corn rigs... <br /> <br />I lock'd her in my fond embrace; <br /> Her heart was beating rarely: <br />My blessings on that happy place, <br /> Amang the rigs o' barley! <br />But by the moon and stars so bright, <br /> That shone that hour so clearly! <br />She aye shall bless that happy night, <br /> Amang the rigs o' barley. <br /> Corn rigs... <br /> <br />I ha'e been blythe wi' comrades dear; <br /> I ha'e been merry drinkin'; <br />I ha'e been joyfu' gatherin' gear; <br /> I ha'e been happy thinkin': <br />But a' the pleasures e'er I saw, <br /> Tho' three times doubled fairly, <br />That happy night was worth then a', <br /> Amang the rigs o' barley. <br /> Corn rigs...<br /><br />Robert Burns<br /><br />http://www.poemhunter.com/poem/rigs-o-barley-the/
