HYD, Absolon, thy gilte tresses clere; <br />Ester, ley thou thy meknesse al a-doun; <br />Hyd, Jonathas, al thy frendly manere; <br />Penalopee, and Marcia Catoun, <br />Mak of your wyfhod no comparisoun; <br />Hyde ye your beautes, Isoude and Eleyne; <br />My lady cometh, that al this may disteyne. <br /> <br />Thy faire body, lat hit nat appere, <br />Lavyne; and thou, Lucresse of Rome toun, <br />And Polixene, that boghten love so dere, <br />And Cleopatre, with al thy passioun, <br />Hyde ye your trouthe of love and your renoun; <br />And thou, Tisbe, that hast of love swich peyne; <br />My lady cometh, that al this may disteyne. <br /> <br />Herro, Dido, Laudomia, alle y-fere, <br />And Phyllis, hanging for thy Demophoun, <br />And Canace, espyed by thy chere, <br />Ysiphile, betraysed with Jasoun, <br />Maketh of your trouthe neyther boost ne soun; <br />Nor Ypermistre or Adriane, ye tweyne; <br />My lady cometh, that al this may distevne.<br /><br />Geoffrey Chaucer<br /><br />http://www.poemhunter.com/poem/balade/
