YE flowery banks o' bonnie Doon, <br /> How can ye blume sae fair! <br />How can ye chant, ye little birds, <br /> And I sae fu' o' care! <br /> <br />Thou'll break my heart, thou bonnie bird, <br /> That sings upon the bough; <br />Thou minds me o' the happy days <br /> When my fause luve was true. <br /> <br />Thou'll break my heart, thou bonnie bird, <br /> That sings beside thy mate; <br />For sae I sat, and sae I sang, <br /> And wistna o' my fate. <br /> <br />Aft hae I roved by bonnie Doon, <br /> To see the woodbine twine; <br />And ilka bird sang o' its luve, <br /> And sae did I o' mine. <br /> <br />Wi' lightsome heart I pu'd a rose <br /> Upon a morn in June; <br />And sae I flourish'd on the morn, <br /> And sae was pu'd or' noon. <br /> <br />Wi' lightsome heart I pu'd a rose <br /> Upon its thorny tree; <br />But my fause luver staw my rose, <br /> And left the thorn wi' me.<br /><br />Robert Burns<br /><br />http://www.poemhunter.com/poem/the-banks-o-doon/
