CA' the yowes to the knowes, <br /> Ca' them where the heather grows, <br /> Ca' them where the burnie rows, <br /> My bonnie dearie. <br /> <br />Hark! the mavis' evening sang <br />Sounding Clouden's woods amang, <br />Then a-faulding let us gang, <br /> My bonnie dearie. <br /> <br />We'll gae down by Clouden side, <br />Through the hazels spreading wide, <br />O'er the waves that sweetly glide <br /> To the moon sae clearly. <br /> <br />Yonder Clouden's silent towers, <br />Where at moonshine midnight hours <br />O'er the dewy bending flowers <br /> Fairies dance sae cheery. <br /> <br />Ghaist nor bogle shalt thou fear; <br />Thou'rt to Love and Heaven sae dear, <br />Nocht of ill may come thee near, <br /> My bonnie dearie. <br /> <br />Fair and lovely as thou art, <br />Thou hast stown my very heart; <br />I can die--but canna part, <br /> My bonnie dearie. <br /> <br />While waters wimple to the sea; <br />While day blinks in the lift sae hie; <br />Till clay-cauld death shall blin' my e'e, <br /> Ye shall be my dearie. <br /> <br /> Ca' the yowes to the knowes...<br /><br />Robert Burns<br /><br />http://www.poemhunter.com/poem/hark-the-mavis/
