AS I was walking all alane <br />I heard twa corbies making a mane: <br />The tane unto the tither did say, <br />'Whar sall we gang and dine the day?' <br /> <br />'--In behint yon auld fail dyke <br />I wot there lies a new-slain knight; <br />And naebody kens that he lies there <br />But his hawk, his hound, and his lady fair. <br /> <br />'His hound is to the hunting gane, <br />His hawk to fetch the wild-fowl hame, <br />His lady 's ta'en anither mate, <br />So we may mak our dinner sweet. <br /> <br />'Ye'll sit on his white hause-bane, <br />And I'll pike out his bonny blue e'en: <br />Wi' ae lock o' his gowden hair <br />We'll theek our nest when it grows bare. <br /> <br />'Mony a one for him maks mane, <br />But nane sall ken whar he is gane: <br />O'er his white banes, when they are bare, <br />The wind sall blaw for evermair.'<br /><br />Anonymous<br /><br />http://www.poemhunter.com/poem/the-twa-corbies/
