QUHEN Flora had o'erfret the firth <br /> In May of every moneth queen; <br />Quhen merle and mavis singis with mirth <br /> Sweet melling in the shawis sheen; <br /> Quhen all luvaris rejoicit bene <br />And most desirous of their prey, <br /> I heard a lusty luvar mene <br />--'I luve, but I dare nocht assay!' <br /> <br />'Strong are the pains I daily prove, <br /> But yet with patience I sustene, <br />I am so fetterit with the luve <br /> Only of my lady sheen, <br /> Quhilk for her beauty micht be queen, <br />Nature so craftily alway <br /> Has done depaint that sweet serene: <br />--Quhom I luve I dare nocht assay. <br /> <br />'She is so bricht of hyd and hue, <br /> I luve but her alone, I ween; <br />Is none her luve that may eschew, <br /> That blinkis of that dulce amene; <br /> So comely cleir are her twa een <br />That she mae luvaris dois affray <br /> Than ever of Greece did fair Helene: <br />--Quhom I luve I dare nocht assay!'<br /><br />Anonymous<br /><br />http://www.poemhunter.com/poem/when-flora-had-o-erfret-the-firth/
