MY heart is high above, my body is full of bliss, <br />For I am set in luve as well as I would wiss <br />I luve my lady pure and she luvis me again, <br />I am her serviture, she is my soverane; <br />She is my very heart, I am her howp and heill, <br />She is my joy invart, I am her luvar leal; <br />I am her bond and thrall, she is at my command; <br />I am perpetual her man, both foot and hand; <br />The thing that may her please my body sall fulfil; <br />Quhatever her disease, it does my body ill. <br />My bird, my bonny ane, my tender babe venust, <br />My luve, my life alane, my liking and my lust! <br />We interchange our hairtis in others armis soft, <br />Spriteless we twa depairtis, usand our luvis oft. <br />We mourn when licht day dawis, we plain the nicht is short, <br />We curse the cock that crawis, that hinderis our disport. <br />I glowffin up aghast, quhen I her miss on nicht, <br />And in my oxter fast I find the bowster richt; <br />Then languor on me lies like Morpheus the mair, <br />Quhilk causes me uprise and to my sweet repair. <br />And then is all the sorrow forth of remembrance <br />That ever I had a-forrow in luvis observance. <br />Thus never I do rest, so lusty a life I lead, <br />Quhen that I list to test the well of womanheid. <br />Luvaris in pain, I pray God send you sic remeid <br />As I have nicht and day, you to defend from deid! <br />Therefore be ever true unto your ladies free, <br />And they will on you rue as mine has done on me.<br /><br />Anonymous<br /><br />http://www.poemhunter.com/poem/my-heart-is-high-above/
