Green grow the rashes, O! <br />Green grow the rashes, O! <br />The sweetest hours that e'er I spend, <br />Are spent amang the lasses, O! <br /> <br />There's nought but care on every han' <br />In every hour that passes, O; <br />What signifies the life o' man, <br />An 'twere na for the lasses, O? <br /> <br />The warl'ly race may riches chase, <br />An' riches still may fly them, O; <br />An' though at last they catch them fast, <br />Their hearts can ne'er enjoy them, O. <br /> <br />But gi'e me a canny hour at e'en, <br />My arms about my dearie, O, <br />An' warl'ly cares an' warl'ly men <br />May a' gae tapsalteerie, O! <br /> <br />For you sae douce, ye sneer at this, <br />Ye're nought but senseless asses, O; <br />The wisest man the warl' e'er saw, <br />He dearly loved the lasses, O. <br /> <br />Auld Nature swears the lovely dears <br />Her noblest work she classes, O; <br />Her 'prentice han' she tried on man, <br />An' then she made the lasses, O.<br /><br />Robert Burns<br /><br />http://www.poemhunter.com/poem/green-grow-the-rashes/
