Ye banks and braes o' bonnie Doon, <br />How can ye bloom sae fair! <br />How can ye chant, ye little birds, <br />And I sae fu' o' care! <br /> <br />Thou'll break my heart, thou bonnie bird <br />That sings upon the bough; <br />Thou minds me o' the happy days <br />When my fause Luve was true. <br /> <br />Thou'll break my heart, thou bonnie bird <br />That sings beside thy mate; <br />For sae I sat, and sae I sang, <br />And wist na o' my fate. <br /> <br />Aft hae I roved by bonnie Doon <br />To see the woodbine twine, <br />And ilka bird sang o' its love; <br />And sae did I o' mine. <br /> <br />Wi' lightsome heart I pu'd a rose <br />Frae aff its thorny tree; <br />And my fause luver staw the rose, <br />But left the thorn wi' me.<br /><br />Robert Burns<br /><br />http://www.poemhunter.com/poem/ye-banks-and-braes-o-bonnie-doon/
