As I was walking all alane, <br /> I heard twa corbies making a mane; <br /> The tane unto the t'other say, <br /> "Where sall we gang and dine to-day?" <br /> <br /> "In behint yon auld fail dyke, <br /> I wot there lies a new slain knight; <br /> And naebody kens that he lies there, <br /> But his hawk, his hound, and lady fair. <br /> <br /> "His hound is to the hunting gane, <br /> His hawk to fetch the wild-fowl hame; <br /> His lady's ta'en another mate, <br /> So we may mak our dinner sweet. <br /> <br /> "Ye'll sit on his white hause-bane, <br /> And I'll pike out his bonny blue een; <br /> Wi ae lock o his gowden hair <br /> We'll theek our nest when it grows bare. <br /> <br /> "Mony a one for him makes mane, <br /> But nane sall ken where he is gane; <br /> Oer his white banes, when they are bare, <br /> The wind sall blaw for evermair."<br /><br />Anonymous Americas<br /><br />http://www.poemhunter.com/poem/the-twa-corbies-2/
