Gather aroon the ingle nuek <br />For ae eerie tale I'll tell - <br />'Boot a glen whar a witchy spook <br />Cast folk in her terrible spell. <br />Her hair sae black, her eyes sae green <br />Black Meg she was the devil's queen. <br /> <br />Warlocks an witches dance at night <br />When the full-moon turns its ken! <br />Thunder rides on a bolt of light <br />The deil's in the witches' glen! <br />Her hair sae black, her eyes sae green <br />Black Meg she was the devil's queen. <br /> <br />Auld trees hang o'er the twisted wynd <br />An' blot oot the licht o' day; <br />An there, there's staring eyes tae find <br />A stranger wha's lost their way. <br />Her hair sae black, her eyes sae green <br />Black Meg she was the devil's queen. <br /> <br />Frae Grennan wood she hailed an flew <br />A flash thru the black night wind <br />Come witchin hour everyin knew <br />She'd get a' the folks wha sinned. <br />Her hair sae black, her eyes sae green <br />Black Meg she was the devil's queen. <br /> <br />They burned her on Kirkmaiden hill <br />An' they bound her on a stake: <br />She chanted spells that made 'em ill <br />An' they pray'd for Jesus' sake. <br />Her hair sae black, her eyes sae green <br />Black Meg she was the devil's queen. <br /> <br />When ere ye walk the witches' glen, <br />Whar branches stretch oot like hands <br />Tak' Bible, cross an' say, Amen! <br />An' heed the guid Lord's commands. <br />Her hair sae black, her eyes sae green <br />Black Meg she's still there tae be seen.<br /><br />Patrick Scott Hogg<br /><br />http://www.poemhunter.com/poem/the-witches-glen-an-auld-tale/
