Hierdie dag is die dag <br />wanneer ek sal kan omdraai <br />en wegstap van jou af. <br /> <br />Hierdie dag is die dag <br />wanneer ek genoeg klippe sal <br />hê om jou liefde toe te pak, <br />genoeg vuur sal hê om dit <br />te veras om weg te laat <br />waai in die wind. <br /> <br />Hierdie dag is die dag <br />wat ek genoeg skulpe sal hê <br />om ‘n altaar te bou vir dit wat <br />my lewe volmaak en genoeg <br />sonneblomme sal hê om oor die <br />herinneringe te groei en dit te bewaar. <br /> <br />Hierdie dag is die dag <br />wanneer ek sal kan omdraai <br />en wegstap van jou af, <br />die dag wanneer ek genoeg trane <br />sal hê om jou van my af te was <br />en genoeg troos sal vind om <br />my weer heel te maak... <br /> <br />dis net.... <br /> <br />hierdie dag het ek klaar die <br />son sien opkom en gaan lê in <br />jou oë en het ek klaar die wind <br />en reën hoor woed in jou stem... <br /> <br />ek het klaar myself verloor op <br />pad na die omdraai en verdwaal <br />voor die wegstap... <br /> <br />so hierdie dag sal ek weereens <br />terugkeer na my hart en jou inlaat <br />en die deur toemaak teen alles <br />wat jou nie betrek nie... <br /> <br />ek sal jou koester en vasketting <br />in my binnekamers en onthou... <br /> <br />hierdie dag sal ek onthou.<br /><br />YURI DURAAN<br /><br />http://www.poemhunter.com/poem/x-hierdie-dag/
