Dabey paav zindagi mein aakar <br />Ab yeh kaise shor macha rahe ho <br />Kya apne anokhey andaaz mein <br />Mujhe pukar rahe ho? <br /> <br />Apne shabdo se, kavita se <br />Kaise uljhan mein bandh rahe ho <br />Bas itna bata do ki yaad kar rahe ho <br />Ya yaad aa rahe ho? <br /> <br />Chor to nahi ho <br />Par kar baithey na chori <br />Meri hi soch <br />Ab rahi na meri. <br /> <br />Dabey paav zindagi mein aaye <br />Ab kuch apne se lagte ho <br />Kya tum bhi mujhme <br />Kuch kho se gaye ho? <br /> <br />Kyu mili main tujhse <br />Kya yeh sangam zaroori tha <br />Par lagta hai, bin milke nahi samajhti <br />Kya maine khoya hota <br /> <br />Hasaatey ho, rulaatey ho <br />Aur har ghadi satatey ho <br />Bas itna bata do yaad karte ho <br />Ya yaad aa jaatey ho? <br /> <br />Musibat haath dhokey pichey hai padi <br />Par yeh musibat maine hi ki hai khadi <br />Shayad maine hi sun liye <br />Jo tumne kabhi kaha hi nahi <br /> <br />Adhuri thi, par tooti nahi <br />Yeh sapna hi to hai, tod do iss jald hi <br />Laut jau uss bin mausam barsaat ki tarah <br />Bhiga ke mera angan, mehkakey yeh sama… <br /> <br />Nahi to main bikhar jaongi <br />Mala ke motiyon ki tarah <br />Baatein ghuma ke kartey ho <br />Aur chahtey ho seedha jawab mera? <br /> <br />Tumhe kya dosh du, <br />Jab main hi hu apradhi <br />Maine hi khidhki darwaazey kholkar <br />Tufaan ko kiya amantrit <br /> <br />Ab darwaazey khidkiyaan band kar dungi <br />Koshish karke tumse dur ki rahungi <br />Par kya tum unhe tod kar phir milogey mujhse <br />Apne aap se to umeed nahi hai, kya umeed karu tujhse… <br /> <br />Bas itna batao do <br />Kya koi galti hui hai mujhse? <br /> <br />(14 March 2008)<br /><br />.Pd. is here<br /><br />http://www.poemhunter.com/poem/hindi-bas-itna-bata-do/
