In die laaste oomblik van die dag, <br />voor die eerste sekonde van die nag, <br />vat ek jou hand in my hand <br />en ly jou oor die rant, na die waterkant. <br /> <br />Kom stap saam met my, my Skat <br />Laat ons wandel langs die oewer pad. <br />Daar is ‘n plek wat ek jou wil wys, <br />want eendag bou ek daar, vir jou ‘n huis. <br /> <br />Met reën op 'n sinkdak, en vuur in 'n koolstoof <br />sal ons liefde brand, en die koue nag deurkloof, <br />hier, tussen mure van klip en deure van hout, <br />groei ons ons kinders en word ons nog oud. <br /> <br />Met jou naam op my lippe en my hart in jou hand <br />ly ek jou tot by die skemerlig waterkant. <br />Vertoef in my oë, Lief, en luister sag. <br />Maak vir ons ‘n wens, aan die einde van hierdie dag. <br /> <br />Wens dit nou, voor jou hart se volgende slag... <br />Wens dit gou, terwyl die sterre wag...<br /><br />Dewald Viljoen<br /><br />http://www.poemhunter.com/poem/sterre-wag/
