Silinde eside isikhathi lesi <br />Ngicishe ngalibala <br />Ngalowomuzwa engiwuzwa kuphela <br />Uma ngibheke emehlweni akho <br />Lowo msinjwana wohleko lwakho <br />Leso sigubhu sokulangazelela kwami <br />Sathi sesitholene futhi <br />Kwangathi siyaqabukana nqa <br />Singakawagwinyi awokubuyelana <br />Kabusha <br />Singakalunambithi uju lothando <br />Singakalithathi nelokuqala ijika <br />Awu! Sawa bhu phansi! <br />Kwangathi siphephethwa omubi lo umoya <br />Kodwa uma uthi uyangithanda <br />Kumele uqondisise <br />Ngobugexegexe bendlela <br />Ubuntofontofo besikhashana <br />Ibuye ibe njalo eyothando <br />Eya othandweni, Duduzile-<br /><br />LLM Mbatha<br /><br />http://www.poemhunter.com/poem/umsinjwana-wohleko-lwakho/
