Ang akala ko noo’y simpleng paghanga <br />Ang nadarama ng pusong bata at mura <br />At sapat na ang siya’y makita <br />Na agad nagdudulot ng sigla’t saya <br /> <br />Sa mga matang nakakahilo ang titig <br />Sa matamis na ngiting nakakakilig <br />Sa tainga’y musika ang malambing na tinig <br />Nagbibigay sigla sa aking daigdig <br /> <br />Maraming taon na hindi nasilayan <br />Aking akala siya’y nakalimutan <br />At nabura na sa puso’t isipan <br />Kasama ang mga alaala ng masayang nakaraan <br /> <br />Ngunit di sinasadyang kami’y pinagtapo <br />Ako’y natulala’t bumilis pintig ng puso <br />Hindi akalain may paghanga pang nakatago <br />Nanatili’t hindi pa naglalaho <br /> <br />Hindi ko mawari kung siya’y may pagtingin <br />Ang sabi ng iba’y may lihim na damdamin <br />Ngunit puso ko’y nagdududa baka di seryosohin <br />Paglaruan lang at ako’y paluhain <br /> <br />May nagsasabing siya’y alangan <br />Sapagkat ako’y may pinag aralan <br />Siya’y hindi tapos at may bisyong alam <br />At may pagkapalikero rin katangian <br /> <br />Ganun man wala akong pakialam <br />Pagkat ang aki’y paghanga lang naman <br />Ngunit kalokohang aminin ako’y umaasam <br />Na tunay na pagtingin ang sa aki’y laan <br /> <br />Nagising isang araw at namulat sa katotohanan <br />Na sa aming dalawa’y mailap ang kapalaran <br />Kahit may panghihinayang na naramdaman <br />Kahibangan ko’y dapat nang wakasan<br /><br />Jhane Reyes<br /><br />http://www.poemhunter.com/poem/alaala-ng-mailap-na-pag-ibig/
