nangausik nga panahon mikabyon ako sa agay sa panahon <br />paingon sa ikog ug punu-an <br />Unsay may kalainan? <br />pasingadto o pasinganhi? <br />hala sigi'g lakang! gilangkub ang <br />punuan ug tumoy, gawas sa <br />unsa ang karon nga mihikyad na. <br /> <br />sama sa gapas naglutaw <br />kulang sa kinaadman <br />nakaankla sa pagbasol sa kagahapon <br />ug kahinam sa umaabot <br />parehong di mahikap, <br />naghingilin sa kamatooran. <br /> <br />hinanali nga kadasig <br />mialisngaw sama sa yamog <br />minunot sa uphag nga hangin <br />sa hataas nga kapatagan, <br />ugang hangin nga misuyop <br />lahos sa nanglutak kong panit <br />nagminghoy ug naghigwaos, dalang kasilag <br />sa nagbalikos nga mga ugat <br />nga unta tusaktusakon aron moalisbo <br />ngadto sa lang-at sa kasiguruan. <br /> <br />mga oras, adlaw ug mga tuig nga <br />nausik nga panahon <br />sa pagpamalandong... <br />apan nahisalaag gihapon!<br /><br />Alice Cuenca<br /><br />http://www.poemhunter.com/poem/nangausik-nga-panahon-bisaya-translation-of-my-poem-a-wasted-time/
