Natagpuan kita sa parang ng Nilikha <br />Katumbas ay paghanga sa mga katagang makata, <br />Nagsimulang balik-balikan ang mga pahina <br />Upang namnamin ang damdaming nakaukit sa bawat salita. <br /> <br />Batid ko na isa kang makata <br />Sapagkat nilalaman ng puso mo ay halata, <br />Ang sabi nila: Ang likas na romantiko at karinyoso <br />Lilikha at ididibuho ang hinaing ng isip at puso! <br /> <br />Ako ay nabighani sa iyong katapatan <br />Nang sinimulan mo ang seryosong usapan, <br />Binuksan mo ang pahina ng buhay mo at ako'y naliwanagan <br />Kung bakit sa panulat mo'y kaiba ang nilalaman. <br /> <br />Paniniwala ko, lahat ay may puso <br />May damdaming makata na kaakibat sa pagkatao, <br />Pilit ma'ng ito'y supilin at itago <br />Isisigaw ito ng puso't isipan mo! <br /> <br />Salamat, natagpuan kita, aking makata!<br /><br />Inner Whispers<br /><br />http://www.poemhunter.com/poem/aking-makata/
