Ilang milyong hakbang na ang aking nagawa <br />Payak na yapak, sa lansangan buhay ay tinahak, <br />Bitbit ko ay Ginebra, pamatid-uhaw sa pagal na kaluluwa <br />Nagbabakasakaling mapawi nito ang hangaring guminhawa. <br /> <br />Wika nila: 'Tamad ka kasi Juan, magsumikap ka! ' <br />Ano ang akala nila, ako ba'y nanatiling nakatunganga? <br />May pamilya ako, iha, hindi ko ninais ang bigyan sila <br />Ng primera-klaseng buhay ng isang dukha! <br /> <br />(Humagulgol si Juan at humalakhak pagdaka...) <br /> <br />Pasensya ka na, iha, ako ay nadala ata <br />Ng ispiritu ng dyaskeng Genebra, <br />Di yata't malabnaw na ang pagkatimpla <br />Di mapawi nito ang uhaw sa minimithing adhika! <br /> <br />Simple lang naman ang aking hiling <br />Bigyan pa ako ng Poon ng lakas na makapiling, <br />Dyaskeng pita ng laman kasi, binigyan ako ng siyam na supling <br />Ngayo'y hirap ako'ng handugan ng siyam na platong kanin! <br /> <br />Mali kung mali, naandyan na 'yan <br />Hindi ko na sila maibabalik sa pantog ko't laman, <br />Pagsisisi ay wala sa akin, na sila'y nakamtan <br />Handog sila ng Poon upang ako'y pahirapan! <br /> <br />Hindi nga ba? <br /> <br />Nakikita ko ang di pagsang-ayon sa iyong mga mata... <br />Bakit hindi gayong pinili ko ang buhay meron sila? <br />Na dapat ay hinay-hinay ko sana ginawa <br />Upang hindi humantong sa ganitong sistema. <br /> <br />Ahhh...Hala, ako'y yayao na <br />Salamat sa pakikinig, iha <br />Kahit paano'y binigyan mo ng halaga <br />Ang sintemyento ng isang dukha. <br /> <br />(Alay kay Juan, na namataan ko sa daan...)<br /><br />Inner Whispers<br /><br />http://www.poemhunter.com/poem/handog-ko-y-kahirapan-nga-ba/
