Sa natagpuang malinis na batis ay nakayapak na lumusong <br />Nagpatangay sa daloy, duyan ng pangarap umusbong, <br />Hinayaang lumaya ang hinaing ng puso at kanyang bulong <br />Ligalig na hatid nito'y ninamnam, handa na ba'ng isulong? <br /> <br />Mabilis ang daloy, tinangay ang walang tutol na panaghoy <br />Tangis ng puso, init ng pag-ibig ay nagningas, umapoy! <br />Himagsik ng kalooban pilit na sinikil, di tinukoy <br />Ano ba, bakit ba, pagkalula'y naramdaman sa kanyang ugoy! <br /> <br />Tila higop ng kumunoy, mapagkit ang kapit <br />Magneto ng daloy ay hindi maiwasan kahit nakapikit, <br />Ang lakas ng hatak, hindi malabanan kahit na kumapit <br />Sa paniniwalang ito lamang ay magdudulot ng hinagpis at pait! <br /> <br />Natuto ngang pumaimbabaw, sa daloy ay nagpatangay <br />Agos ng mapanglaw na pananabik sa kanya'y sumabay, <br />Daloy ng kasiyahan, ninamnam ang pag-ibig na tunay <br />Tinangay ng masidhing pagsinta na walang kapantay. <br /> <br />Sa daloy ng pangarap kanyang nabatid <br />Hangaring makamtan ang kaligayahang hatid, <br />Pag-ibig na wagas dumaloy sa puso'ng sabik <br />Tinupad ang hiling ng kanyang matapat na gibik! <br /> <br />Saan ba patungo, daloy ng hangaring ito <br />Sa dulo ba ng talampas, mahuhulog ba o hihinto? <br />O kakapit at tatayo, humakbang palayo dito <br />Upang sa ituktok ng talampas, daloy ng pangarap itatayo? <br /> <br />Pag-ibig na dumaloy, sa puso'ng hapo <br />Ngayo'y tigib ng pagnanasang magkapanagpo, <br />Isakatuparan ang hinaing ng sabik na puso <br />Maging isa, sa daloy ng pag-ibig ay magpatangay ng buong puso!<br /><br />Inner Whispers<br /><br />http://www.poemhunter.com/poem/d-a-l-o-y/
