Walang laya niya'ng ginugol ang kahapong pait ang hatol <br />Tanikala'ng nag-uugnay sa kabiyak ng kaluluwa ay naputol, <br />Huminto sa pagtakbo, ngatal na napaluhod, humagulgol <br />Ano ba'ng dusa ito, tanikala'ng ginamit, bakit kinalawang at napurol? <br /> <br />Kinaladkad ang tanikala, pilit kumawala <br />Subalit hindi mawari, bakit nakakabit, ang hirap lumaya, <br />Hinubad na ang lahat, iniwan pati ang pag-asa'ng ligaya <br />Ngunit sa tanikala'ng nakakabit ay sadya'ng mahirap ang paglaya. <br /> <br />Pilit iniiwas ang sarili, hinayaang tanikala'y kumapit <br />Hinayaang maramdaman ang hapdi ng hapit, sa kanya'y may hatid na pait, <br />Nangako'ng hindi na tututol sa hila ng tanikala'ng nabanggit <br />At hayaan na lamang dumating ang magsasalba sa kanyang pagkakapiit. <br /> <br />Di niya akalain, sa di sinasadyang pagkakataon <br />Isang ligaw na mananaliksik sa kanyang teritoryo biglang nataon, <br />Hinawi ang kanyang tanikala, kinalag ang nakakapit na pag-asa <br />Upang muli ay magkaroon siya ng ligaya na dapat na matamasa. <br /> <br />Ang tanikala ay natunaw, sa tindi ng parating na apoy <br />Nagliliyab, batid ng puso ang dikta'ng tinutukoy, <br />Hinangad muli'ng makamtan ang tunay na tanikala <br />Na magsisilbing hatak sa kanya sa pag-ibig na hatid ay ligaya. <br /> <br />Halika na, mahal ko, sana'y maramdaman mo <br />Samyo at init ng tanikala'ng matatamo <br />Tigib sa pag-ibig, hindi na dapat pa'ng sumamo <br />Ang pulido'ng tanikala ay tiyak matatamasa mo! <br /> <br />Halika na, Mahal ko... <br />Lalagi ka'ng tanikala sa puso't isip ko...<br /><br />Inner Whispers<br /><br />http://www.poemhunter.com/poem/t-a-n-i-k-a-l-a/
