Sa pagdaraan ng mga araw, ako'y tila nahahapo <br />Masidhing pagdaramdam ng nalulungkot na puso, <br />Yupi ang pakiramdam, bakit ganito? <br />Ano nga ba't tila may ibig isigaw, ako ay nalilito! <br /> <br />Bawat katagang namutawi sa labi mo <br />Batid ko, nanggaling sa malinis mo'ng puso, <br />Subalit nakaramdam ako ng pagbabago <br />Dala ba marahil sa naguguluhan ko'ng isip at puso? <br /> <br />Nasaan ka ba...? bukang-bibig ko <br />Kung kailan naman gusto na kita'ng makasama, Mahal ko, <br />Sa hapo ng puso at isip sa paligid at gawain ko <br />Nais ko naman sana ang maramdaman ka sa tabi ko! <br /> <br />Hanap-hanap kita...namutawi na kataga <br />Bukang-bibig na lamang ba at hindi na malalasap pa, <br />Ang pagyakap mo upang ako ay punan ng ligaya <br />Mahal ko, hinahanap-hanap na kita, maniwala ka! <br /> <br />Mahal kita...mahal kita...bukang-bibig na kataga <br />Kailangan kita, gusto na kita'ng makatabi sa pagtulog, Sinta, <br />Ngunit nandyan ka, nandirito ako, magkahiwalay at malayo <br />Pilit pinupunan ng mga kataga ng bukang-bibig na pagsuyo! <br /> <br />Ano'ng paghihirap ba ito na dulot ng pag-ibig sa iyo? <br />Pilit ko mang limutin ang mga katagang ito na bukang-bibig ko <br />Hindi masupil ang pangungulila na nasa kaibuturan ng puso ko <br />Ayoko nang maramdaman pa, ako ay nahihirapan na! <br /> <br />Mahal kita...Miss na kita...bukang-bibig ko sa tuwina <br />Umuwi ka na sa piling ko, Sinta!<br /><br />Inner Whispers<br /><br />http://www.poemhunter.com/poem/bukang-bibig/
