Ilang beses na ba'ng pumintig, yaring lalagyan ng pag-ibig? <br />Isa...dalawa...tatlo... ganito ba ang umibig? <br />Hindi mapigilang maakit sa hinaing ng mga katagang naririnig, <br />Puso ba ay nadadala na lamang sa tamis ng kanyang bibig? <br /> <br />Kabog ng dibdib sa bawat saglit, tila ba tumatahip <br />Kilig na dulot sa kanyang alay na langit ang kalakip, <br />Sa bawat patunay na kanyang binabanggit <br />Tunay na pag-ibig, iniaalay ang puso, saksi pati langit! <br /> <br />Ngunit kapagdaka, tila paningin ay nag-iba <br />Masidhing pag-ibig ay binalot ng suspetsa, <br />Kagyat kinain ng agam-agam, ang puso ay hindi na gaya ng umpisa <br />Naniwala sa Laro ng Puso, totoo nga ba ito, tama nga ba siya? <br /> <br />Laro ng Puso, ito nga ba'y may patotoo? <br />Bakit hindi, tunay nama'ng mapaglaro ang puso <br />Minsa'y umiibig, minsan nama'y nasusuklam <br />Minsan ay puno ito ng tamis, sa kalauna'y tigib ng pait! <br /> <br />Laro ng Puso, saan ka ihahatid nito? <br />Sa kawalang katiyakan ba o sa pag-ibig na totoo? <br />Makailang beses nga ba dapat umibig ang puso? <br />Huwag naman sana'ng mauwi sa pag-ibig na tanso!<br /><br />Inner Whispers<br /><br />http://www.poemhunter.com/poem/laro-ng-puso/
