Sa maghapon ikaw ang laman ng isip ko <br />Sa gabi, sa pagtulog, ikaw pa rin ang laman ng utak ko, <br />Saan nga ba ako susuling, saan nga ba ako pupunta? <br />Hindi ko alam bakit nasumpungan kita... <br /> <br />Ang pag-ibig mo na nasa kabilang ibayo <br />Ang sarap pangarapin, maramdaman ng totoo... <br />Ako ay lasing na sa pag-ibig mo, <br />Ngunit nais ko pa'ng uminom sa alak ng pagsuyo mo. <br /> <br />Ako ay isang ibon na nasasabik sa pugad mo <br />Basang-basa na sa ulan ng pagsinta mo... <br />Nais kong sumilong, maramdaman ko ang init mo <br />Pesteng pag-ibig, bakit mo ako ginanito! ? <br /> <br />Ikaw na nakaririnig sa bawat hinaing ko <br />Isa-isahin mo'ng himayin bawat kataga ng tula ko, <br />Pagkat hindi lamang sa bawat katha ng bolpen ko <br />Namnamin mo'ng mabuti bawat himaymay ng puso ko... <br /> <br />Sa panahon nating makita ang isat-isa <br />Tignan mo'ng mabuti ang aking mga mata, <br />sa bawat katagang usal ng aking bibig, <br />Lahat ng salitang namumutawi ay dahil sa iyong pag-ibig. <br /> <br />Nais kong pigilin ang bawat kong tanong <br />Kaya basahin mo'ng mabuti bawat salita, talata at saknong, <br />Na ikaw lamang ang bawat bulong <br />Ng puso kong pumipintig at nagtatanong... <br /> <br />Matikman ko lamang alak ng iyong pagmamahal <br />Ikukulong ko ang sarili at magpapakabanal, <br />Na huwag nang tumikim pa sa alak ng iba <br />At di na malasing sa kandungan nila. <br /> <br />Sa bawat tula na aking nagawa <br />Laman ng puso ko aking inilathala, <br />Ako ay maghihintay sa pag-ibig mong dalisay <br />Dahil nais kong malasing sa pag-ibig mong walang kapantay! <br /> <br />(Akda ng isang umiibig na Makata... <br />dalisay niyang puso, ako ay napahanga ng totoo...)<br /><br />Inner Whispers<br /><br />http://www.poemhunter.com/poem/pesteng-pag-ibig-bakit-mo-ako-ginanito/
