My love, she's but a lassie yet, <br />My love, she's but a lassie yet! <br />We'll let her stand a year or twa, <br />She'll no be half sae saucy yet! <br /> <br />I rue the day I sought her, O! <br />I rue the day I sought her, O! <br />Wha gets her need na say he's woo'd, <br />But he may say he has bought her, O. <br /> <br />Come draw a drap o' the best o't yet, <br />Come draw a drap o' the best o't yet! <br />Gae seek for pleasure whare ye will, <br />But here I never miss'd it yet. <br /> <br />We're a'dry wi' drinkin o't, <br />We're a'dry wi' drinkin o't! <br />The minister kiss't the fiddler's wife- <br />He could na preach for thinkin o't!<br /><br />Robert Burns<br /><br />http://www.poemhunter.com/poem/my-love-she-s-but-a-lassie-yet/
