ankhon mein ji mera hai idhar yar dekhna <br />ashiq ka apane akhri didar dekhna <br /> <br />kaisa chaman ke ham se asiron ko mana hai <br />chak-e-qafas se bag ki diwar dekhna <br /> <br />ankhen churaio na tuk abr-e-bahar se <br />meri taraf bhi didah-e-khunbar dekhna <br /> <br />ae ham-safar na able ko pahunche chashm-e-tar <br />laga hai mere paon mein a kar dekhna <br /> <br />hona na char chashm dik uss zulm-paishah se <br />hoshiyar zinhar khabardar dekhna <br /> <br />sayad dil hai dag-e-judai se rashk-e-bag <br />tujh ko bhi ho nasib ye gulzar dekhna <br /> <br />gar zamzama yahi hai koi din to hamsafar <br />is fasl hi mein ham ko giraftar dekhna <br /> <br />bul-bul hamare gul pe na gustakh kar nazar <br />ho jayega gale ka kahin har dekhna <br /> <br />shayad hamari khak se kuch ho bhi ae nasim <br />girbal kar ke kucha-e-dildar dekhna <br /> <br />us khush-nigah ke ishq se parhez kijio 'Mir' <br />jata hai leke ji hi ye azar dekhna<br /><br />Meer Taqi Meer<br /><br />http://www.poemhunter.com/poem/ankhon-mein-ji-mera-hai-idhar-yar-dekhna/
