O waly, waly up the bank, <br />And waly, waly down the brae, <br />And waly, waly yon burn side, <br />Where I and my love wer wont to gae. <br />I leant my back unto an aik, <br />I thought it was a trusty tree; <br />But first it bow'd, and syne it brak, <br />Sae my true love did lichtly me. <br /> <br />O waly, waly, gin love be bonny, <br />A little time while it is new; <br />But when its auld, it waxeth cauld, <br />And fades awa' like morning dew. <br />O wherefore shuld I busk my head? <br />Or wherefore shuld I kame my hair? <br />For my true love has me forsook, <br />And says he'll never loe me mair. <br /> <br />Now Arthur-Seat sall be my bed, <br />The sheets shall neir be fyl'd by me: <br />Saint Anton's well sall be my drink, <br />Since my true love has forsaken me. <br />Marti'mas wind, when wilt thou blaw, <br />And shake the green leaves aff the tree? <br />O gentle death, whan wilt thou cum? <br />For of my life I am wearie. <br /> <br />Tis not the frost that freezes fell, <br />Nor blawing snaws inclemencie; <br />'Tis not sic cauld that makes me cry, <br />But my loves heart grown cauld to me. <br />Whan we came in by Glasgowe town, <br />We were a comely sight to see; <br />My love was clad in black velvet, <br />And I my sell in cramasie. <br /> <br />But had I wist, before I kisst, <br />That love had been sae ill to win, <br />I had lockt my heart in a case of gowd, <br />And pinned it with a siller pin. <br />And, oh! if my young babe were born, <br />And set upon the nurses knee, <br />And I my sell were dead and gane! <br />For a maid again Ise never be.<br /><br />Anonymous Olde English<br /><br />http://www.poemhunter.com/poem/waly-waly-love-be-bonny-a-scottish-song/
