Will ze gae to the ew-bughts, Marion, <br />And wear in the sheip wi' mee? <br />The sun shines sweit, my Marion, <br />But nae half sae sweit as thee. <br />O Marion's a bonnie lass, <br />And the blyth blinks in her ee; <br />And fain wad I marrie Marion, <br />Gin Marion wad marrie mee. <br /> <br />Theire's gowd in zour garters, Marion; <br />And siller on zour white haussbane; <br />Fou faine wad I kisse my Marion <br />At eene quhan I cum hame. <br />Theire's braw lads in Earnslaw, Marion, <br />Quha gape and glowr wi' their ee <br />At kirk, quhan they see my Marion; <br />Bot nane of them lues like mee. <br /> <br />Ive nine milk-ews, my Marion, <br />A cow and a brawney quay; <br />Ise gie tham au to my Marion, <br />Just on her bridal day. <br />And zees get a grein sey apron, <br />And waistcote o' London broun, <br />And wow bot ze will be vaporing <br />Quhanier ze gang to the toun. <br /> <br />Ime yong and stout, my Marion, <br />None dance lik mee on the greine; <br />And gin ze forsak me, Marion, <br />Ise een gae draw up wi' Jeane. <br />Sae put on zour pearlins, Marion, <br />And kirtle oth' cramasie, <br />And sune as my chin has nae haire on, <br />I sall cum west and see zee.<br /><br />Anonymous Olde English<br /><br />http://www.poemhunter.com/poem/the-ew-bughts-marion-a-scottish-song/
