Greitna, father, that I'm gauin, <br />For fu' well ye ken the gaet; <br />I' the winter, corn ye're sawin, <br />I' the hairst again ye hae't. <br /> <br />I'm gauin hame to see my mither; <br />She'll be weel acquant or this! <br />Sair we'll muse at ane anither <br />'Tween the auld word an' new kiss! <br /> <br />Love I'm doobtin may be scanty <br />Roun ye efter I'm awa: <br />Yon kirkyard has happin plenty <br />Close aside me, green an' braw! <br /> <br />An' abune there's room for mony; <br />'Twasna made for ane or twa, <br />But was aye for a' an' ony <br />Countin love the best ava. <br /> <br />There nane less ye'll be my father; <br />Auld names we'll nor tyne nor spare! <br />A' my sonship I maun gather <br />For the Son is king up there. <br /> <br />Greitna, father, that I'm gauin, <br />For ye ken fu' well the gaet! <br />Here, in winter, cast yer sawin, <br />There, in hairst, again ye hae't!<br /><br />George MacDonald<br /><br />http://www.poemhunter.com/poem/greitna-father/
