What gars ye sing sae, birdie, <br />As gien ye war lord o' the lift? <br />On breid ye're an unco sma' lairdie, <br />But in hicht ye've a kingly gift! <br /> <br />A' ye hae to coont yersel rich in <br />'S a wee mawn o' glory-motes! <br />The whilk to the throne ye're aye hitchin <br />Wi a lang tow o' sapphire notes! <br /> <br />Ay, yer sang's the sang o' an angel <br />For a sinfu' thrapple no meet, <br />Like the pipes til a heavenly braingel <br />Whaur they dance their herts intil their feet! <br /> <br />But though ye canna behaud, birdie, <br />Ye needna gar a'thing wheesht! <br />I'm noucht but a hirplin herdie, <br />But I hae a sang i' my breist! <br /> <br />Len' me yer throat to sing throu, <br />Len' me yer wings to gang hie, <br />And I'll sing ye a sang a laverock to cow, <br />And for bliss to gar him dee!<br /><br />George MacDonald<br /><br />http://www.poemhunter.com/poem/i-ken-something/
