Mercator, vigiles oculos ut fallere possit, <br />Nomine sub ficto trans mare mittit opes; <br />Lenè sonat liquidumque meis Euphelia chordis, <br />Sed solam exoptant te, mea vota, Chloë. <br /> <br /> <br />Ad speculum ornabat nitidos Euphelia crines, <br />Cum dixit mea lux, heus, cane, sume, lyram. <br />Namque lyram juxta positam cum carmine vidit, <br />Suave quidem carmen dulcisonamque lyram. <br /> <br />Fila lyræ vocemque paro, suspiria surgunt, <br />Et miscent numeris mumura mœsta meis, <br />Dumque tuæ memoro laudes, Euphelia formæ, <br /> <br />Tota anima interea pendet ab ore Chloës. <br /> <br />Subrubet illa pudore, et contrahit altera frontem, <br />Me torquet mea mens conscia, psallo, tremo; <br />Atque Cupidineâ dixit Dea cincta coronâ, <br /> <br />Heu! fallendi artem quam didicere parum.<br /><br />William Cowper<br /><br />http://www.poemhunter.com/poem/translation-of-prior-s-chloe-and-euphelia/
