Ae blink o' the bonnie new mune, <br />Ay tinted as sune as she's seen, <br />Wad licht me to Meg frae the toun, <br />Tho' mony the brae-side between: <br />Ae fuff o' the saftest o' win's, <br />As wilyart it kisses the thorn, <br />Wad blaw me o'er knaggies an' linns-- <br />To Meg by the side o' the burn! <br /> <br />My daddie's a laird wi' a ha'; <br />My mither had kin at the court; <br />I maunna gang wooin' ava'-- <br />Or any sic frolicsome sport. <br />Gin I'd wed--there's a winnock kept bye; <br />Wi' bodies an' gear i' her loof-- <br />Gin ony tak her an' her kye, <br />Hell glunsh at himsel' for a coof! <br /> <br />My daddie's na doylt, tho' he's auld, <br />The winnock is pawkie an' gleg; <br />When the lammies are pit i' the fauld, <br />They're fear'd that I'm aff to my Meg. <br />My mither sits spinnin'--ae blink <br />O' a smile in her kind, bonnie 'ee; <br />She's minded o' mony a link <br />She, stowlins, took o'er the lea <br /> <br />To meet wi' my daddie himsel' <br />Tentie jinkin' by lea an' by shaw; <br />She fu's up his pipe then hersel', <br />So I may steal cannie awa'. <br />O leeze me o' gowany swaird, <br />An' the blink o' the bonnie new mune! <br />An' the cowt stown out o' the yaird <br />That trots like a burnie in June! <br /> <br />My Meg she is waitin' abeigh-- <br />Ilk spunkie that flits through the fen <br />Wad jealously lead me astray <br />Frae my ain bonnie lass o' the glen! <br />My forbears may groan i' the mools, <br />My daddie look dour an' din; <br />Wee Love is the callant wha rules, <br />An' my Meg is the wifie I'll win!<br /><br />Isabella Valancy Crawford<br /><br />http://www.poemhunter.com/poem/my-ain-bonnie-lass-o-the-glen/
