bat karni mujhe mushkil kabhi aisi to na thi <br />jaisi ab hai teri mahfil kabhi aisi to na thi <br /> <br />le gaya chin k kaun aj tera sabr-o-qarar <br />beqarari tujhe ai dil kabhi aisi to na thi <br /> <br />chashm-e-qatil meri dushman thi hamesha lekin <br />jaise ab ho gai qatil kabhi aisi to na thi <br /> <br />un ki ankhon ne Khuda jane kiya kya jadu <br />k tabiyat meri mael kabhi aisi to na thi <br /> <br />aks-e-ruKh-e-yar ne kis se hai tujhe chamkaya <br />tab tujh mein mah-e-kamil kabhi aisi to na thi <br /> <br />kya sabab tu jo bigarta hai 'Zafar' se har bar <br />khu teri hur-e-shamail kabhi aisi to na thi<br /><br />Bahadur Shah<br /><br />http://www.poemhunter.com/poem/bat-karni-mujhe-mushkil/
