Soutar was famous for his riddles as well as his poetry (and some combinations of the two) <br /> <br />Here are six. Best of Luck. <br /> <br />1. <br />Spindle-shank gangs owre the flair <br />Wi’ his ae leg in the air: <br />Shaks his pow outside the door <br />Whan his hair is fou o’ stour. <br /> <br />2. <br />Airms oot and legs oot <br />It wudna hurt a hair: <br />But whan it draws itsel’ thegither <br />Lat a’body tak care. <br /> <br />3. <br />Aye at his meat was monie-feet <br />Or he cud eat nae mair; <br />Syne wuppit in a windin’ sheet <br />Likes he was for the lair. <br /> <br />Death thocht an unco thocht nae doot <br />Whan, wi’ the simmer sin, <br />The canty corp cam warslin oot <br />Mair braw nor he gaed in. <br /> <br />4. <br />I gaed up the hill for what I had tint <br />But whan I had gottan it naebody kent: <br />I cam doun the hill wi’ what I had socht <br />That canna be borrow’d, or beggit, or bocht. <br /> <br />5. <br />I am ae thing: <br />I am nae thing: <br />Baith a big and sma’ thing; <br />And belang to a’ thing. <br /> <br />6. <br />What can hail but canna hear: <br />And answer back but canna speer?<br /><br />William Soutar<br /><br />http://www.poemhunter.com/poem/riddles-6/
