Si mortale nihil deceat perferre Camoenas, <br />Sique Poetarum fama perennis erit, <br />Arte Machaonia, docuit qui primus Apollo, <br />Si Libitina tuum jus inhibere licet, <br />Musica, lætitiæ, genitus, convictus amicus, <br />Si cita Parcarum sistere fila queant: <br />Quæris, in hoc tumolo cur condidit ante diem? <br />Franciscus? curque is concidit ante diem? <br />Quem Musæ et Charites adeo coluere, quod inter <br />Præcipuos vates nomen habere darent, <br />Et cui contribuit facundi cura Galeni, <br />Conspicuus Medica Doctor ut arte foret, <br />Musica mentem hilarem, facilis convictus amicos, <br />Egregium mores attribuere decus. <br />Ille severa tamen poterat nec flectere fata <br />Et multo lustris plus supereße decem. <br />Scilicet est certi præfixus terminus ævi, <br />Quem superare nequit; stat sua cuique dies. <br />Nec mors sæva ulli parcet, licet ipse Machaon <br />Arte siet Medica, carminibusque Maro, <br />Orphea seu cantu superet, seu Thesea amore; <br />Est adeo claris mors inimica viris. <br />Ergo nihil mirum est, quod fatis ceßit iniquis <br />Vir, qui perpetuo vivere dignus erat. <br />Forsitan et mores hominum terrasque perosus <br />Optabat superis civis adeße Diis. <br />Nec frustratus in hoc, Christo duce, gaudet Olympo: <br />Heic sine fine quies, vita salusque datur. <br /> <br />Obiit Anno 1584. Ætatis suæ 52. <br /> <br />Amico post fata, quod vivo. adixit.<br /><br />Tycho Brahe<br /><br />http://www.poemhunter.com/poem/gravskrift-over-hans-frandsen-2/
