Kisame'y tila limbo, samu't saring paru-paro <br />May mapusyaw na dilaw, may matitingkad na itim... <br />Tila binubulabog, ingay ng pagaspas di naman makadapo <br />Sa pagal na katawan ng mahalimuyak na rosas na nakabalot sa dilim! <br /> <br />Pilit mang gapiin ang dilim ng lagim <br />Subalit mapanglaw ang kulay ng kanyang hiling! <br />Isang prinsipe nawa ang dumaan at siya'y sagipin <br />Sa limbo ng DELIRYO, nais niya, siya ay makapiling! <br /> <br />Dampi ng palad mo, nais na matamo <br />Pipigilan nito ang DELIRYO ng puso ko... <br />Nasaan ka, hanap-hanap kita <br />Subalit isa ka munang pangarap na nais makita. <br /> <br />Binalot ko ng pag-asam ang napakalamig na ginaw <br />Pilit nilabanan ang nginig na mapanglaw <br />DELIRYO ay tinanggap, nagpatangay sa lipad <br />Ng mga malilikot na paru-paro...umaasang dalhin ako sa iyong pugad! <br /> <br />(doing this while having 38.7 temp)<br /><br />Inner Whispers<br /><br />http://www.poemhunter.com/poem/d-e-l-i-r-y-o/
