Kyoon Badli Hain Rahain <br /> <br />Original Hindi Transliteration <br /> <br />Kyoon uthi hai a Bhishen Jawala Hinsa Ki <br /> Kisne Vish Ghola Hai in ankurit Manno Main <br /> Aakrosh Hai kisi Manviye Trasdi Ka <br /> Ya ghrina hai kisi Samajik Aacharn Ki <br /> Kahin Ye hath Vanchit hai, Manvanchhit Karm Se <br /> Ya Gumrah kiya hai Jati or Dharm ke Shatano Nain <br /> <br /> Kyoon Uthaya hai Khanjar is abla Nari Ne <br /> Kal jo Pratik Thi, Prem, sewa, tyaag or Tapsaya ki <br /> Kyoon aaj isne apne Hath Range Hain Khoon Ki Holi Se. <br /> Kahin n kahin to Shoshan or Atyachar ki seema todi hogi <br /> Manavata ke sodagar or Jagirdaraon Nain <br /> <br /> Aaj ye Navyuvak kyoon khel rahain hain Barud orGolon se <br /> Kyoon inko itni Muhbat hai Bandook ki Goli Se <br /> Bachpan Bita Hoga Bin Mamta or Khilono Se <br /> Ya Fir Krurta or Nirdayta Rahi Hogi Inke Sahibano Ki <br /> <br /> Manvata ko is Avishap se Bachana Hoga <br /> Sabhya Shikshit or Samridh samaj ko age aana hoga <br /> Manvata ko Manviye Mulaon se hi ucharna Hoga <br /> Har Hath Ko, kam, prem, izatt or Samman Dena Hoga <br /> Is sankramak ko phalnae se rokna hoga <br /> <br /> Nahin to kal manvata hi manvata ka avishap na ban jaye <br /> Or inhin karano se kalyug ki aayu per antim parda naa pad jae <br /> Phir Dharti Maan Naye yug main manav sarancha se <br /> Pahale hazar bar sochae ya santust rah jaye <br /> Vanspati jagat, amoeba or vanya praniyon se.<br /><br />Santosh Sharma<br /><br />http://www.poemhunter.com/poem/kyoon-badli-hain-rahain/
