dinig ko <br />melodya galing sa puso mo <br />hinagpis ng pagkatalo <br />sumuko'ng pag-ibig <br />naparam, nakipaglaro. <br /> <br />pilit dininig, <br />pinakinggan awit ng iyong tinig <br />malamyos, malungkot <br />mapagmalaki, mapagbiro. <br /> <br />umasa ako <br />puso mo'y marinig <br />melodya ng aking tinig <br />ngunit bingi ang iyong pandinig <br />inakala mo, puso ko'y di na ikaw ang awit. <br /> <br />di yata't kailangan <br />idikta, iukit <br />lirika nitong pag-ibig? <br /> <br />huli na. <br /> <br />melodya ng iba <br />akap-akap na ng iyong alaala <br />papaano pa maririnig, mababasa <br />lirika nitong pagsinta? <br /> <br />tititigan pa ba kita sa mata? <br /> <br />kung ang kislap nito'y banaag na <br />melodya ng bago mo'ng sinta <br />at nakipagniig na <br />sa dinatnan mo'ng musika <br />sa bayan na inulila. <br /> <br />paalam na... <br />ulan. <br />lirika ng puso <br />akin nang kalilimutan <br />magpaparaya sa melodya <br />na umakit, nagpasigla <br />sa awit ng iyong pangungulila!<br /><br />Inner Whispers<br /><br />http://www.poemhunter.com/poem/paalam-lirika/
