Kuchh naya kaam karen <br />or sochen <br />khud ko be-rubt khayalon k hawalay kr den <br />phir ye dekhen <br />kahan, kis tarha se kia hota he... <br />raat aati he kahan se <br />abhi chal kr dekhen <br />chaand ko dusri janib se palat kr dekhen <br />yeh jo rukhsaar-e-falak pr he shafaq...kesi he? <br />aao dekhen k dhanak rang ki shokhi me neha'n <br />raaz kia he k jo heraan kiye deta he? <br />neend wadi me yeh khwabon ka basera he kidhar? <br />khwab kia cheez hen <br />chal kr unhen choo kr dekhen <br />chandni shab ko chanaaron pe bikharta dekhen <br />aasmanon ko bahaaron me nikharta dekhen <br />aao suraj ko ufaq paar utarta dekhen! ! !<br /><br />Shahzia Batool<br /><br />http://www.poemhunter.com/poem/aao-suraj-ko-ufaq-paar-utarta-dekhen/
