Janay kiskis tarha mushkil se sambhala mujh ko! <br />Meri maa tu ne boht pyar se paala mujh ko......! <br /> <br />Apne kirdar se, guftaar se taaleem kia <br />Neik seerat bharay afkaar se taaleem kia <br />kia sahi, kia he ghalat, nok palak batlai <br />Ye namaz or dua tu ne hamay sikhlai <br /> <br />Tu ne kundan ki tarha se he ujaala mujh ko! <br />Meri maa tu ne boht pyar se paala mujh ko! <br /> <br />Tarbiat din ki aulad ko aamaal se di <br />Roshni tu ne sahi raah ki afa'al se di <br />Zer e taameer sahi, me teri taameer to hun <br />Aaj me jo hun teri zaat ki tasveer to hun <br /> <br />Tu ne suraj ki tarha shab se nikala mujh ko! <br />Meri maa tu ne boht pyar se paala mujh ko! <br /> <br />Kese pehchaanay teri zeest ka unwaan koi <br />Bistar e marg tha ya jang ka maidaan koi <br />Itni takleef sahi dil se magar sabr kia <br />lub se shikva na dia, sham o sahar shukr kia <br /> <br />Kon mushkil me bhala de ga sambhaala mujh ko! <br />Meri maa tu ne boht pyar se paala mujh ko! <br /> <br />Akhri baar kalejay se mujhe liptana <br />Kese bhoolay ga kalaavon ka hamay pehnana <br />Mere naa cheez se haathon ko lagaya lub se <br />Dil Batool ab bhi yehi bol raha he tub se <br /> <br />Meri maa tu ne boht pyar se paala mujh ko! <br />Meri maa tu ne boht pyar se paala mujh ko!<br /><br />Shahzia Batool<br /><br />http://www.poemhunter.com/poem/amma-k-naam-urdu/
