QUHEN halie Kirk first flurist in ?outhheid, <br />Prelatis wer chosin of all perfectioun; <br />For Conscience than the brydill had to leid, <br />And Conscience maid the hale electioun, <br />Syne eftir that come schrewit correctioun, <br />And thocht that Conscience had our large ane weid, <br />And of his habite out cuttit thay ane skreid. <br /> <br />And fra Conscience the Con thay clip away, <br />And maid of Conscience Science and na mair; <br />Bot ?it the Kirk stude weill, full mony day, 10 <br />For it wes rewlit be mene of wit and layre; <br />Syn eftir that Sciens began to payr, <br />And thocht at Sciens was our lang ane jaip, <br />The Sci away fast can thay rub and scraip; <br /> <br />And fra Sci of Science wes adew, <br />Than left thai nocht bot this sillab Ens, <br />Quhilk in our language singnifies that schrew <br />Riches and geir, that gart all grace go hens; <br />For Sciens baith and faythfull Consciens <br />Sa corruptit ar with this warldis gude, <br />That falset joukis in everie clerkis hude. <br /> <br />O hungrie Ens! cursit with cairis calde, <br />All kynd of folk constrenis thow to wirk; <br />For thé that thief Judas his Maister said; <br />For thé Symon infectit Halie Kirk; <br />To poysoun Justice thow dois nevir irk; <br />Thow fals Ens, go hens, thou monsture peralous, <br />God send Defens with Conscience in till ws!<br /><br />Gavin Douglas<br /><br />http://www.poemhunter.com/poem/conscience-36/
